وأنا بتفرج على الشيف الشيف الشربيني وهو بيعمل كبدة شاورما، حسّيت إنها قريبة جداً من الكبدة الإسكندراني…

لكن مع إضافة الفلفل الألوان 🌶

فقلت أعملها بطريقتي الخاصة 👊

وزودت الخل + الطحينة + البقدونس… والنتيجة؟

🔥 طعم مختلف تماماً يخليك تحس إنها شاورما فعلاً مش كبدة عادية!

✍️ المقادير:

• ربع كيلو كبدة مقطعة شرائح طولية
• فلفل ألوان مقطع شرائح 🌶
• بصلة مقطعة شرائح طولية
• ثمرة طماطم مقطعة شرائح
• 3 ملاعق كبيرة بقدونس مفروم
• عصير ليمون
• 2 ملعقة كبيرة خل
• ملح + فلفل أسود + كمون
• فصين ثوم مفروم
• 2 ملعقة كبيرة طحينة 🍶
• 4 ملاعق كبيرة زيت

🔥 الطريقة:

1️⃣ نتبل الكبدة بـ:

ملح – فلفل – كمون – ثوم مفروم – ملعقة خل – عصير ليمون.

ونسيبها تتشرب التتبيلة ساعة في التلاجة.

2️⃣ في طاسة سخنة نحط 2 ملعقة زيت، ولما يسخنوا ننزل بالكبدة ونقلبها دقايق بسيطة بس لحد ما تستوي، ونطفي النار.

3️⃣ في طاسة تانية نحط 2 ملعقة زيت:

• ننزل بالبصل ونقلب دقيقة
• نضيف الفلفل الألوان والطماطم ونقلب دقيقة كمان

4️⃣ نرجع نحط الكبدة عليهم، ونضيف:

• ملعقة الخل التانية
• الطحينة
  ونقلب كويس ونطفي النار.

5️⃣ في الآخر نضيف البقدونس المفروم ونقلب خفيف 👌

وتتقدم في عيش الشاورما 🌮🌮

وممكن تضيفي بطاطس محمرة جنبها وتعيشي أحلى وجبة 😍🔥

The post طريقة عمل كبدة شاورما في البيت بطعم المطاعم.. سر الخل والطحينة ⸻ first appeared on Sabrina News.

The post طريقة عمل كبدة شاورما في البيت بطعم المطاعم.. سر الخل والطحينة ⸻ appeared first on Sabrina News.