- الصيف سيد المواسم… والشتا سجن بارد! 🌞❄️
بتعرفوا شو أصعب من برد الشتا؟ إنك تعيش نهار شتا عالساعة 5 العصر… الشمس غابت، الكهربا مقطوعة، البرد قارس، لابس ألف شغلة فوق بعضك، والغدا شوربة دافية عم تدخّن… والفيسبوك فاضي متل روحة الضو، والوايفاي كل شوي بيودّع، وصوت الهوا برا كأنو فيلم رعب! بتحس الدنيا كلها ضدك، حتى المراية بتقلك “ارجع نام”.
أما بالصيف… حياتك فيلم تاني! الناس كلها قدام البيوت، سهرانين، قهاوي مليانة، ضحك من هون وموسيقى من هون، والأجواء بتجنّن. بتفيق الصبح عندك طاقة تتحمم وتلبس وتطلع، مش متل الشتا يلي بتعمل حفلة لنفسك بس لأنك غسلت وجهك.
الصيف بيعطيك حياة، الشتا بياخدها منك. قال شتوية قال… والله بتحمّل ألف موجة حر بالصيف وما بتحمّل يوم برد وحدة بالشتا. بالصيف بتضحك… بالشتا بتتكتّف!